-->

 Watch All Matches Live Stream

On Website : StreamLive7.com

هولندا ضد البرازيل : كأس العالم 2010

هولندا ضد البرازيل : كأس العالم 2010


    قصــــة مبـــــاراه 

    شوط أول رائع .. شوط ثاني مخيب"


    هولندا و البرازيل التقوا عدة مرات ببطولة كأس العالم .. و كانت دائمة مبارياتهم مثيرة و فيها سيناريوهات مفاجئة .. مباراة اليوم بين الفريقين كانت بالدور ربع النهائي من كأس العالم 2010.
    البرازيل بهي البطولة كانت بقيادة كارلوس دونغا .. لاعب الوسط الدفاعي السابق حاول ينقل فلسفتو للمنتخب و قدم نسخة مختلفة نوعاً عن طريقة لعب البرازيل يلي كنا نعرفها .. الفريق كان عم يعتمد عالأداء الواقعي و التكتيكي بعيداً عن الاستعراض و المهارات يلي كانت دائماً ميزة الفريق البرازيلي و المدرب اعتمد على أداء اللاعبين بغض النظر عن الأسماء و قرر استبعاد رونالدينيو من تشكيلتو .. المنتخب كان عم يعتمد بشكل أساسي على كاكا و روبينيو.
    هولندا بدورها ماشية صح بالبطولة و عم تقدم مستويات جيدة بقيادة الثلاثي الخطير (روبن - شنايدر - فان بيرسي).
    المنتخبين تقريباً كانوا عم يلعبوا بطريقة وحدة بس مع اختلاف أدوار اللعيبة 4-2-3-1

    تشكيلة البرازيل:

    --------------------------- ديدا --------------------------
    ------ باستوس --- جوان --- لوسيو--- مايكون ----------
    ------------------ ميلو ----- جيلبرتو --------------------
    ---------- روبينيو ------ كاكا -------- ألفيش ------------
    ----------------------- فابيانو ---------------------------

    تشكيلة هولندا:

    ------------------------- ستكلنبرغ--------------------------
    --- برونكهورست --- أوير --- هيتينغا --- فانديرفيل --------
    ------------------ دي يونغ ----- فان بومل -----------------
    ---------- كويت ------ شنايدر -------- روبن ---------------
    ----------------------- فان بيرسي --------------------------


    الفريق البرازيلي بيتسيد الشوط الأول و بيضغط عالمرمى الهولندي بعدة كرات .. بالدقيقة السابعة بيفتتح النتيجة بس الحكم بيلغي الهدف بداعي التسلل .. الهدف ما بيتأخر و بالدقيقة 10 لاعب الوسط فيليبي ميلو المشهور عادة بالشراسة و العنف بيقدم أسيست عالمي لروبينيو .. باص أرضي طويل من نقطة منتصف الملعب بيضرب فيه الدفاع و بيحط روبينيو بوضعية انفراد مع الحارس و الهدف الأول .. الضغط بيستمر و الحارس الهولندي بيتألق بأكتر من كرة لينتهي الشوط الأول لعباً و نتيجة للبرازيل مع ضياع للفريق الهولندي.
    بالشوط التاني فيليبي ميلو بيسجل هدف عكسي بمرمى فريقو و بيرجع هولندا بقوة للمباراة .. المنتخب الهولندي بيستغل الكركبة بالفريق البرازيلي و من ضربة ركنية شنايدر بيضيف الهدف التاني .. فيليبي ميلو ما بيكتفي بالهدف يلي سجلو بمرمى فريقو و بيرجع لحركاتو العنيفة و بيضرب روبن بشكل مؤذي ليقرر الحكم يطردو بالدقيقة 73 و هيك بيقضي تقريباً على آمال فريقو بالمباراة لتنطبق عليه العباراة الشهيرة “From Hero To Zero”.
    المباراة بتنتهي بفوز البرتقالي على السامبا 2-1 لتكمل هولندا مسيرتها للمباراة النهائية و تحتل مركز الوصافة.